WG-Zimmer in Frauenfeld

I üsere grosszügige und sunnige 5.5-Zimmer-Wohnig in Frauenfeld (nur ca. 8 Minute zFuess vom Bahnhof) wird vom 2. November 2026 bis Endi Februar 2027 es Zimmer frei. S Zimmer isch 20.6 m² gross und kostet 600.00 CHF pro Monet (inkl. Akonto-NK).
D Wohnig isch gmüetlich und (bis uf sZimmer) komplett möbliert. Mir teiled üs e voll usgstatteti Chuchi, Wohnzimmer mit Balkon und es grosses Badzimmer.

Mir sind drü Fraue alli Mitte 20gi. Mir sind alli oft unterwegs und engagiert, aber trotzdem isch üs sWG-Lebe wichtig. Mir schätzed es harmonischs Zämesii und hocket am Abig gern mol zäme.

Für üses dihei sueched mir e unkomplizierti, offeni und ufgstellti Mitbewohnerin, wo Wert uf es respektsvoll Mitenand, Ordnig und Suuberkeit legt.
Wenn du dich ahgsproche fühlsch, denn meld dich doch gern bi üs und stell dich imne chline Text churz vor. Mir freued üs, vo dir zghöre! :)

Infos zum Zimmer:

• Grösse: 20.6 m²
• Miete: 600 CHF/Monet (inkl. Akonto-NK)
• Verfügbar: Ab 5. November 2026
• Befristet bis Ende Februar 2027